Emna da la furmaziun professiunala

Dals 8 fin ils 12 da matg stat la furmaziun professiunala en il focus. 30 radios locals ed ulteriuras medias discurran cun emprendistas ed emprendists sco er cun campiunessas e campiuns professiunals, discutan cun cussegliadras e cussegliaders da professiun, intermedieschan fatgs e contexts. Ultra da quai mussan persunas en scolaziun livestreams da lur manaschis d'emprendissadi.

L'Emna da la furmaziun professiunala dat invistas interessantas dal mund da la furmaziun professiunala. Ella sa drizza als giuvenils ch'èn en la vegliadetgna per tscherner ina professiun, a lur geniturs sco er a tut quellas e quels che s'engaschan per ina furmaziun professiunala ferma ed attractiva.

22 chantuns sa participeschan

L'Emna da la furmaziun professiunala è ina iniziativa da la Conferenza svizra dals uffizis da la furmaziun professiunala CSFP, che vegn organisada en 22 chantuns. Tut las regiuns linguisticas èn represchentadas. La Confederaziun sustegna l'occurrenza.