Dals 13 fin ils 17 da matg 2024 ha lieu l'Emna naziunala da la furmaziun professiunala. 24 chantuns èn da la partida, bundant 30 staziuns da radio ed ulteriuras medias discurran cun emprendist:as e campiun:as da professiuns, discuteschan cun cussegliad:ras da professiun e responsab:las per la furmaziun professiunala, explitgeschan ils contexts e furneschan ils fatgs. L'Emna da la furmaziun professiunala è in'iniziativa da la Conferenza svizra dals uffizis da la furmaziun professiunala e vegn sustegnida dal Secretariat da stadi per furmaziun, retschertga ed innovaziun. La gruppa en mira èn geniturs, giuvenils en la vegliadetgna da tscherner ina professiun e tut las persunas che s'engaschan per ina furmaziun professiunala ferma ed attractiva.