SwissSkills, EuroSkills, WorldSkills: campiunadis da professiuns porschan perspectivas interessantas a giuvenils. En il rom da l'Emna da la furmaziun professiunala raquintan campiunas e campiuns da professiuns naziunals ed internaziunals da lur success.

Il settember 2022 ha gì lieu a Berna la 3. ediziun dals campiunadis da professiuns naziunals – ils SwissSkills 2022. Igl è stà la pli gronda fiera da professiuns dal mund. 150 mastergns èn vegnids preschentads, 87 en il rom d'in campiunadi. L'occurrenza ha carmalà 120 000 visitadras e visitaders.

Las victuras ed ils victurs dals SwissSkills 2022 prendan part als EuroSkills 2023 a Danzig ubain als WorldSkills 2024 a Lyon. Campiunadis da professiuns n'empermettan però betg mo medaglias, mabain er excellentas perspectivas professiunalas. Da quai raquintan campiunas e campiuns da pli baud e dad oz en las medias partenarias da l'Emna da la furmaziun professiunala.

Vesair ils programs da radio